Мерапрыемства прайшло ў мінулую пятніцу напярэдадні прафесійнага свята, якое сёлета выпала на нядзелю 9 кастрычніка, і сабрала ў зале раённага Цэнтра культуры прадстаўнікоў усіх прафесій звязаных з культурнай дзейнасцю: артыстаў і бібліятэкараў, майстроў народных рамёстваў і музейных работнікаў, выкладчыкаў дзіцячай школы мастацтваў, а таксама працаўнікоў сцэны, кіроўцаў і іншых. Да свайго свята культработнікі падышлі з высокімі паказчыкамі, пра што было сказана вышэй, і цалкам заслужана лепшым работнікам былі ўручаны ўзнагароды Ганаровыя граматы Хоцімскага райвыканкама, аддзела ідэалагічнай работы, культуры і па справах моладзі, Цэнтралізаванай клубнай сістэмы Хоцімскага раёна і райкама прафсаюза работнікаў культуры. Ёсць сёлета і ўзнагароджаныя на абласным узроўні. Так, Ганаровая грамата ўпраўлення культуры Магілёўскага аблвыканкама ўручана Юліі Ткачовай, намесніку дырэктара дзяржаўнай установы культуры “Бібліятэчная сетка Хоцімскага раёна”, калектыў раённага Дома Рамёстваў за значны ўклад у рэалізацыю творчых праектаў міжнароднага, рэспубліканскага і абласнога узроўняў. культурна-асветніцкай работы.

Аляксандр АЛЕКСАНДРЫН